【返老家過清明】一家去上海動物園 Baby攬黃曉明腰 護囝囝「小海綿」

更新時間 (HKT): 2018.04.08 17:13

Angelababy、囝囝「小海綿」同老公黃曉明一齊去上海,上海係Baby嘅老家,估計係Baby返鄉下祭祖,前日有網民見佢哋一家三口去上海動物園,同行有一個助手及一個阿姨,相中見一身黑衣look嘅曉明抱住囝囝睇動物,穿上粉色上衣、戴灰帽嘅Baby則左手攬住曉明條腰。

網民讚Baby呢個動作好有愛,企喺身邊,伸手護住囝囝「小海綿」,唔少網民都覺得佢哋好溫馨,更有網民忽然拎Baby同楊冪比較,指Baby同楊冪兩位星級媽咪平時工作忙,相比之下,Baby抽出更多時間陪家人;另有網民睇完曉明一家三口相,忽然對曉明身高有啲好奇,據網上寫曉明身高有1米8,不過見佢真人嘅感覺,同埋相中佢企喺人群之中,似乎冇咁高,估唔到總係有啲網民會「突破盲腸」,關注嘅重點總係唔同啲。

娛聞樂陪你走遍全球追星,即Like「娛果」FB 專頁!
BannerBanner