【Ig自爆行蹤】渡邊直美鹿兒島飲醉酒 走人驚見粉絲逼爆食店求見

更新時間 (HKT): 2018.04.08 10:00

日本女星渡邊直美以搞笑形象深受歡迎,近年仲成功衝出亞洲,紅到海外,連英美傳媒都有報道佢嘅消息,而服裝品牌GAP都搵渡邊直美任代言人,拍住美國樂壇新貴SZA、大熱美劇《漢娜的遺言》(13 Reasons Why)嘅上位男星Miles Heizer等一齊跳舞拍廣告,十分威水。

近年,渡邊直美更封當地Ig女神,以792萬追隨者拋離一眾日本紅星。渡邊直美勝在夠親民,以親切形象狂吸支持者,去咗鹿兒島嘅佢就透過Ig嘅story公開行蹤,上載同好友於居酒屋嘅醉酒狂歡短片,並打卡透露身在天文館吾愛人本店,點知當佢哋離去時,發現店外擠滿大批支持者,現場數十人以女fans居多,人群跟住渡邊直美行到商店街,場面相當墟冚,而渡邊直美亦冇托手踭,為粉絲逐一簽名及任影唔嬲,佢仲毫無架子在Ig多謝大家專登嚟見佢,抵佢咁襟撈。

娛聞樂陪你走遍全球追星,即Like「娛果」FB 專頁!
BannerBanner