【瘦咗】1歲半囡囡對其他奶類敏感 張嘉兒﹕唔介意繼續餵人奶

更新時間 (HKT): 2018.04.08 14:10
張嘉兒好似越嚟越瘦喎。(攝影﹕卓寶花)

張嘉兒同王愛倫代表慧妍雅集到數碼港出席一個慈善跑活動, 佢哋好老實話因為太早起唔到身,以精神上支持活動。

張嘉兒比未生小朋友前瘦咗好多,佢話有keep住游水,仲會同佢一歲半嘅囡囡一齊游。問到有諗過再生多個BB?佢話自己屋企都四姊妹,不過BB比較黐身,張嘉兒透露現時仍餵緊人奶,佢解釋:「因為囡囡對奶類有敏感,所以我唔介意繼續餵人奶。佢係誇張到掂人地奶樽同埋我手有奶,掂到佢都會面紅敏感,好彩我食奶類製品對佢冇影響,佢只係食同埋摸有問題,希望超過兩歲免疫系統成熟啲就會好。」嘉兒仲有寫blog教媽咪點樣喺公眾地方餵人奶,有好多心得分享。而王愛倫平時熱愛運動,行山、打golf、羽毛球都唔缺少。

另外,李逸朗早前因為打籃球傷及關節少咗運動,令到女友黃靜藍都好擔心,問到佢幾時成家立室?李逸朗話:「呢啲唔係一個人嘅事,近排有啲涉及法律錢債要追討,同律師商議緊,係以前債務問題,想搞清楚,都涉及七位數字係老婆本。

娛聞樂陪你走遍全球追星,即Like「娛果」FB 專頁!
BannerBanner