【與愛犬一齊運動】幫陳柏宇BB改英文名 何雁詩恨做契媽

更新時間 (HKT): 2018.04.08 14:21
何雁詩同陳嘉桓都帶同愛犬一齊參與慈善跑。(攝影﹕卓寶花)

何雁詩、陳嘉桓(Rose)、李逸朗、 張嘉兒、王愛倫、何雁詩等今早去數碼港出席一個慈善跑活動,何雁詩同Rose分別帶同愛犬參與。

何雁詩正準備golf比賽,男友鄭俊弘叫佢努力練,不過何雁詩話男友對打golf唔係太大興趣,天份集結於結他同打功夫上,只間中有同陳柏宇打波,何雁詩知道陳柏宇即將成為人父嘅消息,佢稱傳咗訊息講恭喜:「已經開始幫佢BB諗英文名,叫佢一定要揀。」換言之已經知道性別?何雁詩就尷尬笑一笑:「呢啲等佢公佈啦,我唔介意做契媽。」

Rose愛犬BiBi已經13歲,所以只係抱住佢嚟參與,Rose近日主力留喺香港操fit,為六月開拍《反黑》第二輯作好準備,佢話:「第一集成日俾人話肥,第2集唔要肥要fit,o依家每星期操三日,每日三至四個小時做運動,計入行特訓後再一次做咁多運動,已經開始有啲成果,希望第日水著look玩game show。」

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
BannerBanner