【星二代出動】邱淑貞拖大女沈月賀獎門人 志偉被禁再做「醉街」主角

更新時間 (HKT): 2018.04.15 17:52

噚日係獎門人曾志偉嘅65歲生日,佢喺灣仔合和中心一間西餐廳搞咗個生日會,話晒志偉喺娛樂圈嘅人緣咁好,梗係有唔少圈中人同佢慶祝喇!

一向同志偉老友鬼鬼嘅邱淑貞(豆斗),噚晚當然有出席賀老友,豆斗仲帶埋大女沈月出席,有一輪冇見踪影嘅沈月,越大越標青,好彩豆斗keep得好,所以佢兩個企埋一齊,真係似兩姊妹多過兩母女。

志偉仲同埋幾個4月之星一齊慶祝,好似衛蘭兩姊妹同成龍等等一齊切蛋糕!唔知志偉最後有冇醉爆離場呢?今日肥媽喺深水埗出席活動,佢聲沙沙話:「識佢10幾年,未見過佢11、12點都唔醉,真係冇可能!」肥媽仲話:「佢哋要去金像獎,又要開會,所以大哥坐喺度唔畀佢飲,唔係我唔畀,我邊夠膽呀!」

娛聞樂陪你走遍全球追星,即Like「娛果」FB 專頁!
BannerBanner