【純情偶像偷情】能條愛未約男友自駕遊 開運勝地吸靈氣

更新時間 (HKT): 2018.04.16 12:39
《週刊文春》又再爆料指,乃木坂嘅23歲成員能條愛未發展地下情。

日本女子組合乃木坂46以純情形象深得少男支持,喺東洋偶像界風頭一時無兩。

《週刊文春》昨日又再爆料,乃木坂嘅23歲成員能條愛未日前拍拖斷正,男友係早前同佢合作舞台劇《少女革命》嘅27歲男星戶谷公人,兩人感情穩定,男方更有能條愛未香閨鎖匙,戶谷公人被發現在女友家過夜共度春宵。

上周三早上,能條愛未同戶谷公人低調出動,雜誌記者發現佢哋租車前往位於東京嘅自然生態景點神戶岩,由於呢度被稱為吸收大自然靈氣嘅開運勝地,能條愛未同男友去到目的地落車逗留幾半小時,當親者上前表明身份,頭耷耷嘅能條即慌張得想調頭走,之後亦冇回應記者直奔上車走人。

娛聞樂陪你走遍全球追星,即Like「娛果」FB 專頁!
BannerBanner