蔡李惠莉榮升保良局董事局主席 蔡志明:已經預晒啲時間畀太太

更新時間 (HKT): 2018.04.16 15:38
攝影:羅慧敏

玩具大王蔡志明太太蔡李惠莉、陳細潔、陳小寶同太子鐘錶老闆鄧鉅明太太鄧宣宏雁等,今日喺銅鑼灣出席保良局董事局交代就職典禮。蔡太榮升主席,今日蔡家總動員出席支持,蔡太開心表示多謝家人支持,蔡生更指會隨傳隨到,蔡生豪氣話:「叫我去邊乜都去,已經預晒啲時間畀太太,要錢就攞錢。」蔡太笑話:「唔使傳都要到啦,今年家人好支持,好開心,已經喺保良10年,覺得好有意義,遲啲都會畀啲孫一齊行善。」另外,鄧生同二仔專誠送上大束花賀鄧太任總理,相當溫馨。

而剛卸任嘅陳細潔就話畀人笑係「甩身之喜」,佢話:「一年係足夠嘅,都係身體問題,支付唔到,每日瞓4、5個鐘,除咗出席活動,仲要諗點樣叫人捐錢。」身旁嘅家姐陳小寶笑言妹妹問襯佢都係要攞錢,仲話個妹學識厚面皮,依家兩姊妹都榮升顧問,感覺好榮幸。

娛聞樂陪你走遍全球追星,即Like「娛果」FB 專頁!
BannerBanner