【旅行造人?】結婚一周年 「城嫂」方媛機艙晒fit爆自拍相

更新時間 (HKT): 2018.04.18 11:49

時間過得真係快,郭富城同方媛(Moka)已經結婚一周年喇,去年今日係佢哋結婚嘅大日子(新聞連結: https://bit.ly/2vt8rwU ),今年佢哋仲多咗小公主Chant陪伴,真係一家人齊齊整整,十分幸福呀!

今日Moka就喺社交網貼咗兩張喺機艙嘅靚相,喺結婚一周年嘅大日子,唔知佢坐飛機去邊呢?係一家三口坐飛機吖,定係二人世界,又抑或係一個人飛去會合老公呢?真係一大堆問號,唔知Moka幾時會親自解開呢個謎團喇!

相入面見到Moka戴住帽,一身牛仔服飾喺洗手間入面自拍,身形Fit 爆,真係羨慕死好多女士呢!而佢留言:「Good night!」相信佢應該係坐長途機,準備喺飛機上覺覺豬咯!而網民嘅心水亦好清,即留言祝佢「結婚周年快樂,祝你們幸福平安快樂」,亦有網民關心到小公主Chant,留言問:「Happy anniversary. Where is bb?」

咦!城城同Moka之前分別出席公開活動時,都講過話想再做爸爸媽媽,唔知今次佢哋係咪趁結婚一周年,出外旅行,幫小Chant製造細佬或細妹呢?!

娛聞樂陪你走遍全球追星,即Like「娛果」FB 專頁!
BannerBanner