【草根都吸客】添食做的士佬?馬國明爆未賺夠一個牌

更新時間 (HKT): 2018.04.18 16:07

馬國明同宋熙年今日到奧海城參與電子貨幣付款記者會,馬明因之前劇集的士司機一角帶挈今次接拍廣告,佢話套劇的確為自己帶來不少登台騷,但接廣告則是首次,佢話:「冇諗過一個草根嘅身份都可以幫手接到廣告,因為之前通常都係演一啲專業人士先至會多廣告機會。」問到的士司機身份有冇幫佢搵到一架的士嘅錢?馬明笑住話:「冇,的士牌好貴,不過o依家公司都諗緊會唔會開part 2,監製同編劇都仲喺度傾緊。」

陀B嘅宋熙年日前着住3吋高踭鞋出活動,仲爆老公陳智燊超級緊張(新聞連結: https://bit.ly/2qGnUnz ),今日佢終於聽話轉着矮踭鞋,佢坦言之前着3、4吋高踭鞋有惹來老公微言:「我訂咗一批比較短踭嘅鞋,陸續嚟到屋企,所以o依家已經開始換鞋着。」

宋熙年仲話陀BB正步入中期階段,但佢冇講確實陀咗幾多個月。講到有冇忍唔到手開始買BB衫,宋熙年指佢媽咪經已好心急去買,所以叮囑媽咪唔好買太多,怕着唔到而嘥咗。

娛聞樂陪你走遍全球追星,即Like「娛果」FB 專頁!
BannerBanner