【而我不知...】昆凌話自己似Lily Collins 周董反問「她是誰?」惹罵戰

更新時間 (HKT): 2018.04.19 19:24

正所謂「情人眼裏出西施」,台灣天王周杰倫(周董)嘅眼裏面就只有佢老婆昆凌,但今次就因為佢大讚老婆靚而出事喇!

是咁的,噚日昆凌就喺ig貼咗一張對照圖,就係佢同電影《魔鏡.魔鏡:白雪公主決戰黑心皇后》(Mirror Mirror)嘅青春女星莉莉歌連絲(Lily Collins)嘅相,昆凌留言話:「Lucky to look like such a pretty girl today @lilyjcollins #whodoyoulookalike」,意思係話自己好很幸運今天能和這個漂亮女孩長得很像。

咁見到老婆嘅靚靚相,周董當然忍唔到手咁留吓言讚吓老婆:「你比她漂亮 哈哈 她是誰?」,點知就係咁易問一問就出事喇,都有正反兩極嘅,正方就大讚周董同周太好恩愛「周董很會喔」「花式秀恩爱」「周董你夠了」「好閃哦」「周董無限溺老婆」,但反方就話覺得周董不識枱舉,話佢竟然連Lily Collins都唔識,「這樣講會不會太沒有禮貌了一點」「對不起 莉莉更漂亮 要秀恩愛請回家秀」「明明都好看 可是你老公很不尊重人」。

娛聞樂陪你走遍全球追星,即Like「娛果」FB 專頁!
BannerBanner