【小周周好可愛】周杰倫晒愛女正面相 昆凌呷醋:被取代了

更新時間 (HKT): 2018.04.20 18:48

天王周杰倫同昆凌生咗大女小周周(Hathaway)同囝囝Romeo,姊弟樣一直未曝光,昆凌早前罕有晒小周周正面相,今日周杰倫喺IG貼出囡囡全身相,小周周戴帽同黑超,着闊身衫配黑褲,赤腳喺地板行,擺出搖滾手勢,留言:「Let’s rock!妳負責在旁邊幫我加油。」,見周杰倫有打hashtag「鬥牛」,加《鬥牛》歌詞中嘅一句「三分球它在空中停留」,估計周杰倫唔係打三對三鬥牛賽喇,應該係周杰倫準備唱《鬥牛》俾囡囡聽。

囡囡之前聽歌成日聽到好陶醉又搖晒頭,咁鍾意聽爸爸嘅歌,應該係盡得周杰倫嘅音樂基因,難怪昆凌於IG留言稱自己「被取代了」,而網民笑「老婆大人吃醋」、「女兒也要學周董打球配毛帽」。不過講就咁講,昆凌又點會嬲嬲呀,剛才昆凌喺IG貼咗一張周杰倫抱女相,囡囡表情多多,對住媽咪嘟嘴仔,認真得意。

娛聞樂陪你走遍全球追星,即Like「娛果」FB 專頁!
BannerBanner