【老公變李晨2.0】假范冰冰生完B 聲稱被「騙婚」原因係…

更新時間 (HKT): 2018.04.20 18:10

大陸網紅何承熹由15歲開始整容,花咗8年時間,用咗人民幣8百萬,一心想變范冰冰,連富二代老公余小泉都整到李晨咁,二人結婚一年幾,婚後生咗一個囝囝,近日有傳二人離婚,網傳何承熹老公疑係同性戀,結婚只想生小朋友。

網傳老公余小泉婚前為討好何承熹歡心,搵咗一間整容醫院,整容到自己變「李晨2.0」,二人之後拉埋天窗,2017年6月被何承熹發現余小泉私底有一個情人,何承熹強調冇歧視同性戀,只係覺得余小泉騙婚,更將余小泉同第三者嘅合照放上網,而余小泉並回應網民,解釋離婚係因為個性不合,並唔係同性戀呢個原因,二人各執一詞;網紅何承熹表明要爭奪囝囝撫養權,不惜放棄婚內財產。

娛聞樂陪你走遍全球追星,即Like「娛果」FB 專頁!
BannerBanner