【老公操刀?】崔智友婚後首蒲頭 孖友人睇展覽風騷晒鑽戒

更新時間 (HKT): 2018.04.20 11:02

韓劇《天國的階梯》嘅42歲「催淚天后」崔智友上月驚爆與拍拖一年嘅靚仔IT男結婚,由於老公唔係圈中人,所以友姐都好保護老公,未有公開老公嘅靚仔樣,只知對方年輕過友姐,係一名樣貌俊俏嘅打工仔。

友姐於上月29號低調行禮,只邀請親友到場,亦謝絕贊助同禮金。而結婚近三星期嘅友姐一直未有蒲頭,估計與老公享受蜜月中。不過噚日終於有友姐嘅新相曝光,其友人噚日上載與友姐睇展覽嘅照片,友姐穿上一身黑衣裳,雖然黑沉沉,但佢望實鏡頭時都難掩興奮,不時展出幸福笑容。

雖然友姐朋友上載嘅照片只得三人,但當中有照片似是有人操刀,網民都好奇友姐老公會唔會同行,親自拍攝愛妻嘅靚樣。而照片中亦隱約見到友姐左手嘅婚戒。

娛聞樂陪你走遍全球追星,即Like「娛果」FB 專頁!
BannerBanner