【兩韓峯會】南韓平壤冷麵店現人龍 網民想金仔學韓星派心心

更新時間 (HKT): 2018.04.27 18:00

南北韓領袖今日喺板門店舉行會談,南韓總統文在寅同北韓領導人金正恩齊齊現身,南北韓兩大領袖世紀會晤,事件亦引來一眾韓星極度關注。

而喺現場金正恩笑指帶咗著名嘅平壤冷麵畀大家食,更自言從平壤帶冷麵過來好困難,並說:「呢個係遠道而來嘅冷麵,唔能夠話太遠呢。」即時引發全場笑聲。今次南北韓領袖會面,亦引起南韓網民喺網上熱烈討論,當中因為金正恩力推平壤冷麵,令到南韓網民都即時唔執輸,一試呢隻連金仔都讚不絕口嘅「平壤冷麵」,網民更拍下喺南韓各地有得食平壤冷麵嘅店舖都出現人龍嘅狀況,認真誇張,網民更笑指韓國真不愧係外賣民族。

另外,韓星平日見到傳媒同粉絲都愛派心心,冧暈粉絲,南韓網民就喺網上討論,到底金正恩會唔會有樣學樣又整心心呢?之前《復仇者聯盟3:無限之戰》(Avengers:Infinity War)去首爾宣傳,班荷李活巨星都入鄉隨俗喺現場派心心。

娛聞樂陪你走遍全球追星,即Like「娛果」FB 專頁!
BannerBanner