【留住三色血 】世界盃柴娃娃上ViuTV客串? 阿叻:冇話專登去定唔去

更新時間 (HKT): 2018.04.27 16:25
攝影:卓寶花

陳百祥(叻哥)、陳寶轅、甄志強今午在粉嶺高爾夫球會出席一個團結高球界活動。叻哥話:「高爾夫球係我其中一種鍾意運動,老幼咸宜,打到謝賢咁嘅年紀,又或者謝霆鋒嘅仔女年紀都可以玩,可以推廣,但啲人就有誤解,覺得只係有錢人玩意,其實乜人都打得,練習場一百幾十蚊就有得玩,就算呢個場都唔止淨係有錢人玩意,普通人都可以行入嚟玩,要預先網上book場,同一般足球網球場一樣,只係比例上呢個運動可能較一般貴少少,咁邊個消費咪可以做到,香港係一個商業社會,咁先可以平衡同進步,所以我推廣同支持。」

俄羅斯世界盃在即,叻哥預告:「一定會去俄羅斯睇球賽,不過撞咗開戲時間,我都要搵錢,已經訂咗四場飛同朋友睇,今年明星足球隊就因為ViuTV關係,會去嗰邊工作,所以我哋各自各去。」叻哥曾自稱留三色血,不過今日佢話上任何節目都得,咁會唔會趁機柴娃娃上ViuTV客串吓?叻哥不置可否話:「冇話專登去定唔去,合約精神喺個腦到,現階段我鍾意做乜就做乜, 太瀟灑,冇負擔。」並透露今年會和王晶開拍賀歲片,因為只有王晶將佢拍得套套戲都收得,冇佢就唔開。

娛聞樂陪你走遍全球追星,即Like「娛果」FB 專頁!
BannerBanner