【《低壓槽》】萬能張家輝包辦台前幕後 張可頤:拍到攞獎咁靚

更新時間 (HKT): 2018.04.28 00:00

張家輝自編自導自演,以警匪片為題材的《低壓槽》即將上映。

過往兩部作品《盂蘭神功》、《陀地驅魔人》均為驚悚片,《低壓槽》將以家輝喜愛的警匪片為題材,「自我識睇戲,我就睇緊香港最旺盛年代嘅動作片,當然影響我好深,既然自己扑槌去實踐呢個計畫,作品都係個人化會比較強」他指未有劇本前已經想好要用「低壓槽」作為戲名,因為這種陰霾的天氣令他聯想到罪惡,「你有罪案就需要有人企係正義個邊去對衡,從個一刻開始先真正構思」

家輝用上整整兩年時間籌備拍攝《低壓槽》,「成個戲前期、on location、後期,三個階段嘅所有部門,我都係get involoved,希望每一個我自己拍嘅戲,每一根螺絲釘,都係我嘅意思出黎嘅。」甚至後期製作,他都要求做到一絲不苟,如此嚴謹,難怪有份演出的張可頤大讚「警匪片都拍到攞獎咁靚!」

張可頤透露戲內飾演機構話事人,這類普遍由男性擔當的角色,她認為充滿新鮮感,又指雖與家輝相識多年,但過往均以演員身份合作,「 今次佢導演身份我覺得, 佢會知道一個演員埋位時嘅需要, 佢會畀到好啱嘅意見同埋真係導到個演員點樣做法,佢甚至乎可以係我身上,睇到我自己都睇唔到嘅一面,我覺得係一個好寶貴嘅合作。」

對於今年觀眾較少在大銀幕看到家輝參演的作品,他表示接下來將會專注演藝事業,「我好清楚自己本職係咩,我係一個演員,我中意演戲。」會選擇執導是由於演戲世界內,尚有很多角色未曾嘗試,才因此創造一些想挑戰的角色,又指自己對於導演方向的野心不大,純粹想把心目中的故事呈現予觀眾。

被問到今後會否在大銀幕上作搞笑角色,「哎!呢個好似窄窄地喎。」家輝指自己不抗拒輕鬆的角色,但難遇到令他感興趣的劇本。

娛聞樂陪你走遍全球追星,即Like「娛果」FB 專頁!
BannerBanner