【學友台北尾場】邱淑貞偉仔坐包廂 周杰倫:希望我以後有這樣的朋友

更新時間 (HKT): 2018.04.30 10:12

歌神張學友噚晚喺台北小巨蛋舉行尾場演唱會,好友梁家輝、劉嘉玲、梁朝偉、曾志偉、邱淑貞、上山詩鈉及杜德偉等專登過台灣捧場,順便聚舊,組成「超強應援團」,可見學友嘅驚人魅力。

劉嘉玲噚晚喺IG貼出偉仔露出招牌微笑嘅片,見佢化身「小fans」聽歌時輕輕揮手上支棒,聽得好投入,此外,周杰倫同昆凌都坐喺包廂,而邱淑貞就坐喺昆凌身邊,梁家輝聽到學友歌聲,亦好high咁舉起兩隻手,學友完騷後,即專程跑去包廂同好友吹吓水,閒話家常,送咗一班好友離開,自己先去慶功宴會場。

周杰倫亦喺IG貼出大合照,留言:「學友哥的一幫老朋友從香港特別過來支持,這種感覺真棒,希望我以後也有這樣的朋友,今天到了『祝福』這首歌的時候,我終於懂了平常歌迷的感覺,原來聽到老歌的感覺,真好,謝謝學友哥,給我們一場這麼棒的演唱會。」

娛聞樂陪你走遍全球追星,即Like「娛果」FB 專頁!
BannerBanner