【好事近】9.12娶周揚青?羅志祥豪掟7300萬買豪宅築愛巢

更新時間 (HKT): 2018.05.02 10:42

台灣藝人羅志祥一向以天王郭富城同劉德華為榜樣,對感情事保持低調,不過隨住四大天王大方公開戀情,分享家庭樂,羅志祥心態都睇開咗,羅志祥喺2015年認愛大陸網紅周揚青,更稱唔介意對方曾整容,今日傳羅志祥好事近!

有台灣報道指,羅志祥近日豪擲2.7億元台幣(約7300萬港元)買新居,將同周揚青拉埋天窗,據知羅志祥於2013年已花2.18億台幣(約5800萬港元)買內湖兩個單位,打通當成自住房,o依家再買同棟23樓,按照慣例將兩戶打通,有傳咁大手筆購買單位係想娶周揚青入門,築一個愛巢,羅志祥將於女友周揚青30歲生日,今年9月12號迎娶佢。

羅志祥之前講過視周揚青為結婚對象,二人相識時,周揚青並未整型,強調女友只係整眼同鼻,其他都係靠減肥,二人並非因外表先一齊,羅志祥係打從心底佩服呢個女仔,笑言周揚青係性格豪爽成呢一個優點,得羅媽媽嘅認可,笑言羅媽媽最討厭造作同唔大方嘅女生;羅志祥出道多年,周揚青係佢唯一承認過嘅女友,更願意為女友放棄不婚主義。

娛聞樂陪你走遍全球追星,即Like「娛果」FB 專頁!
BannerBanner