【為咗部戲...】任賢齊自嘲肥到似林雪:行路時會磨大腿

更新時間 (HKT): 2018.05.05 14:20
攝影:王連連

任賢齊今日喺深水埗運動場出席學校舉辦嘅慈善跑開幕禮,近排為咗拍戲增磅嘅小齊,戲中角色做一個麻甩佬,有個肥肚腩似懷孕5個月,而且兩隻手指尾留長咗,佢話自己從未試過咁肥,笑言自己似林雪:「我肥咗廿幾磅,有90幾公斤,要不斷吸氣縮肚,導演想我圓碌碌似相樸,自己嘅衫褲都着唔番,行路時會磨大腿,我覺得行路似金正恩。」

好多人鍾意肥仔,小齊就話太太唔鍾意:「加上角色要食檳榔,佢最唔鍾意嘅我都有齊,又唔梳頭,為咗呢套戲,真係付出犧牲大。」佢話做肥仔連行路都易喘氣,但套戲之後講佢瘦,所以下半年會急速瘦身:「要瘦都好慘,冇嘢食我會發脾氣,o依家我見到珍珠奶茶都驚,醫生話我血糖血脂都高,咁樣唔健康。」

娛聞樂陪你走遍全球追星,即Like「娛果」FB 專頁!
BannerBanner