【C1頭條】戀富家子遭棒打 奚秀蘭爭氣獲老爺改口「娶高妹好」

更新時間 (HKT): 2018.05.07 00:00

加入娛樂圈半個世紀的「小調歌后」奚秀蘭,近日為紀念入行五十年,首次推出卡拉OK碟《奚秀蘭50年經典珍藏卡拉OK原聲4D首版》。憑5尺6寸半高䠷身形成圈中高妹一族的她,日前接受本報專訪大談入行點滴,以及她跟富家子出身的丈夫謝嘉亮的「長短腳之戀」。

奚秀蘭在16歲時,曾參加藝員訓練班,但因太高而不獲簽約,直至翌年參加唱歌比賽取得冠軍入行,並加入無綫節目《歡樂今宵》(EYT),憑半鹹淡廣東話和高䠷身材令觀眾留下深刻印象。奚秀蘭說:「當時電視台,特別係老闆,唔鍾意人哋高,因為佢哋矮,佢哋認為『高妹』好難搵到拍檔。但做人唔可以自卑,我自我安慰,我覺得上台唱歌,夠高係會鶴立雞群,舞台上殺食啲,氣場唔同,人矮就拍電視劇OK。」

奚秀蘭今年為紀念入行五十周年,推出《奚秀蘭50年經典珍藏卡拉OK原聲4D首版》,為她出錢、出力最多的人,原來是丈夫謝嘉亮。奚秀蘭說:「我哋夫婦將僅有一筆基金捐出嚟,由做第一張專輯開始一路run住,收益就做慈善用途。我對音樂編曲要求都高,又要拍得靚,不計金錢。」

訪問當日,謝嘉亮一直為愛妻打點,兩人不介意「長短腳之戀」。原來謝嘉亮當年剛由英國讀書返港後為父親打理家族生意,在奚秀蘭哥哥牽紅線下,跟奚秀蘭一見鍾情,但就被謝嘉亮父親棒打駌鴦,不惜用炒魷迫兒子分手,謝嘉亮最後為真愛離家出走,而奚秀蘭家人亦反對兩人交往,結果在沒有家人祝福下,依然於教堂行禮結婚。

奚秀蘭說:「老爺當年唔睇好我哋,佢話最多半年,或一年就離婚,最後睇到我哋結婚咁耐,佢最後拍住仔膊頭話『都係娶番個高嘅好。』」娛圈過去亦有不少「長短腳之戀」夫妻,奚秀蘭說:「王祖藍同李亞男拍拖時,都有同我老公講『大姐夫,我以你為標準。』終於佢爭取到。」

奚秀蘭早前與老公到日本賞櫻慶祝結婚39周年,她說:「當年都好多磨擦同拗撬,每個人都會講錯嘢,但唔好咁執着。如果想愛情成功美滿,每個人都要付出代價,我哋之間互相包容、接納。」講到二人婚後未有生育,奚秀蘭解釋:「我先生有先天問題,影響生育,佢結婚第一年知道後好傷心,喊晒話『將來老咗,冇人送終。』查理斯王子話婚姻係為咗share your life,唔生BB都冇遺憾。我哋婚姻係分享對方生活,咁先有意思。我淨係陪住老公,就好似湊一個大仔咁,我都湊咗佢39年咯。」

娛聞樂陪你走遍全球追星,即Like「娛果」FB 專頁!
BannerBanner