【淡妝上陣】同King Sir好多對手戲 黃心穎:感到有啲壓力

更新時間 (HKT): 2018.05.18 19:12
心穎今次演King sir嘅孫女,佢話同咁多前輩合作,壓力好大。

黃心穎、張振朗、鍾景輝、羅冠蘭、寶珮如、龔慈恩同車婉婉等,今日齊為無綫新劇《牛下女高音》試造型,擔正做女主角嘅黃心穎,就話面對咁多前輩,感到有啲壓力。心穎話戲中鍾景輝做自己嘅爺爺,所以會有好多對手戲,希望喺前輩身上學到更多演技上嘅嘢。

提到今次新劇嘅造型,心穎話戲中自己演一個不修邊幅嘅女仔,所以只會淡妝上陣,佢笑言咁都好似平時嘅自己,覺得造型感覺好清新,造型靚唔靚並唔重要。而龔慈恩就話今次重返娘家拍劇好開心,仲會同吳岱融演夫婦。

此外,剛加盟大台嘅寶珮如就話自己已經廿年冇拍劇,已經做好心理準備去調節番啲時間,亦會晏啲瞓嚟適應拍夜班戲份。

娛聞樂陪你走遍全球追星,即Like「娛果」FB 專頁!
BannerBanner