【甄志強扮奇哥】王薇做第三者有壓力 區靄玲度期演舞台劇

更新時間 (HKT): 2018.05.19 16:57
(攝影:林賓尼)

王薇、區靄玲、麥翠嫻、甄志強、黃樹棠等今日喺深水埗出席下月公演嘅舞台劇《我是過來人之南北一家親》發佈會,出身於亞洲電視第一期訓練班嘅區靄玲,現時係無綫合約演員,最近仲有份參演《逆緣》,佢話:「公司畀我自由度好大,好鼓勵我哋多方面發展,雖然我6月要開劇,但已經向公司度期。」

至於亞姐出身嘅王薇則表示首次演出舞台劇,面對一班演技派演員,佢坦言感到有壓力:「又要做戲、唱歌,舞台劇又唔可以NG,o依家練緊歌,但記歌詞好難,加上又有唔同嘅方言。」王薇透露喺劇中飾演來自上海嘅表妹,同傅晉杰一對,但亦會介入麥翠嫻同甄志強呢對夫妻之間。而甄志強就話:「今次係我從影以來一個新突破,因為我要扮奇哥。」麥翠嫻笑言要扮寶珠。

娛聞樂陪你走遍全球追星,即Like「娛果」FB 專頁!
BannerBanner