【回憶返晒嚟】重返母校任演講評判 鄧健泓自爆英勇護花史

更新時間 (HKT): 2018.05.27 18:15
(攝影:馬建華)

鄧健泓(Patrick)、譚玉瑛同鄧小巧今日喺何文田培正小學出席兒童演講比賽,獲邀做評判嘅Patrick,原來係呢間學校嘅舊生,今次重返母校,仲勾起唔少回憶,Patrick話記得每日放學都站在校門石壆上等婆婆接放學,雖然屋企只係喺對面馬路,但婆婆都唔放心佢獨自過馬路返屋企。Patrick再憶述同同學用鉛筆扮三劍俠時,被一位靚女同學撞到,令鉛筆插眼致流血,事後Patrick護花向媽咪話:「我同同學玩,佢篤親我隻眼,不過係我要話玩。」

至於擔任表演嘉賓嘅小巧就話人生中唯一一次參加演講係喺中學階段,當時由老師揀選,小巧話:「之前都試過合唱團表演,但單獨一個人上台表演,嗰次就係第一次,亦喺嗰次之後先至發覺原來自己都幾細膽,同埋清楚自己鍾意唱歌多啲。」小巧今日揀咗《和好》獻唱,佢話因為其他歌曲涉及藥物及性話題,未必適合喺小學生面前獻唱。

娛聞樂陪你走遍全球追星,即Like「娛果」FB 專頁!
BannerBanner