【道具銀紙惹禍】杜汶澤狂轟吳思遠:唔知道就代表你冇犯法?拍戲大晒?

更新時間 (HKT): 2018.05.31 19:35

金像電影《樹大招風》道具領班張偉全因管有22.3萬張拍戲時用的道具鈔票,涉案道具鈔票曾在電影《迷城》、《樹大招風》使用,法庭判決他與首被告羅潤霖保管偽製紙幣罪罪名成立。(新聞連結:  https://bit.ly/2Lc4eRl  )。

香港電影工作者總會永遠榮譽會長吳思遠今日接受《蘋果》訪問時稱:「依家政府冇路俾香港電影去拍道具錢嘅場口,印道具錢嚟拍戲,大家唔知道你就告人哋有罪,申請就唔可以用一樣嘅大細,咁你叫人哋點做。」又質疑道具錢與偽鈔是兩個概念,「大家唔知要申請,就算要申請,你唔可以印一樣大細,一係大、一係細,叫人哋點行?」另,張偉全曾傳召香港電影工作者總會永遠榮譽會長吳思遠為辯方證人,吳指他入行50年,一直不知道使用道具鈔票是需要向金管局申請。

杜汶澤晚上接受《蘋果》電話訪問,他痛斥:「我覺得吳思遠依家鬧呢啲呢,真係個時間性問題。拍咗咁X多年戲,你哋呢啲咁大嘅人,都唔知道呢啲嘢係犯法嘅咩?仲夠膽死走去做呈堂,話夾埋嗰啲馬逢國呀話『我哋唔知道呢啲嘢係犯法!』唔知道就代表你冇犯法嘅咩?拍戲大X晒?你哋嘅位置,係唔X可以唔知道(犯法)0架!」

阿澤續痛罵:「你哋應該一早就喺立法嘅過程努力吖嘛!你XXX馬逢國係立法會議員嚟0架嘛!你應該一早喺立法嘅過程就應該喺立法會提出。依家有事先嚟做,有人俾人拉咗,你哋先去做!我知你哋都做咗好多嘢,又走走糴糴又搵律師,但太遲喇!」

彭浩翔亦有於fb留言,呼籲馬逢國話:「希望代表業界的馬逢國議員,gel完頭髮後幫手關注吓。」

娛聞樂陪你走遍全球追星,即Like「娛果」FB 專頁!
BannerBanner