【登全球熱搜之冠】《大叔的愛》出LINE貼圖應市 放閃照慰失落fans

更新時間 (HKT): 2018.06.03 18:52
大熱劇《大叔的愛》昨晚播出最後一集。

大熱日劇《大叔的愛》昨晚播出最後一集,由於劇集開播以來深受劇迷歡迎,不但獲腐女fans支持,靠意想不到嘅搞笑情節,吸納不同層面觀眾支持,令劇名一度登上Twitter嘅全球熱搜榜冠軍。

雖然朝日電視台已否認《大叔的愛》正有開拍電影版及續集打算,但外界反應熱烈,加上Hit到亞洲各地,相信電視台方面今後將考慮添食,而為滿足一班fans,後日開始有《大叔的愛》嘅LINE貼圖全面上架。

另外,男主角田中圭憑春田一角人氣急升,帶挈佢年半前推出嘅寫真集《KNOWS》都宣佈重版再度應市。

隨住《大叔的愛》結束,廣大劇迷都大喊失落,電視台有見及此,7月底會推出96頁嘅官方刊物滿足fans。同時,大叔嘅Instagram嘅追隨粉絲直逼50萬人,新上載被春田錫錫面珠嘅照片獲14萬網友讚好。

娛聞樂陪你走遍全球追星,即Like「娛果」FB 專頁!
BannerBanner