【大團圓結局】《大叔的愛》峰迴路轉 春田逃婚情歸阿牧

更新時間 (HKT): 2018.06.03 11:53
《大叔的愛》總算係大團圓結局。

日本熱播嘅BL神劇《大叔的愛》,由33歲男星田中圭飾演戇直男主角春田創一,好戲大叔吉田鋼太郎扮演同志上司,仲有林遣都演同事兼室友阿牧,發展出職場HeHe三角關係。

劇集播出以來掀起話題,昨晚終於播出最後一集,春田與阿牧分手後,大叔成功入屋跟春田關係越變親密,春田更獲大叔驚喜求婚,並打算調職到上海及與大叔拉埋天窗。不過在婚禮當日,春田在神父見證下拒啜大叔,發現始終對阿牧念念不忘,結果在大叔讓愛下,春田從教堂趕往見阿牧講出心底話,兩人最後亦有情人終成眷屬。

雖然「女主角」大叔最後都失去春田,但《大叔的愛》都可算係大團圓結局,事關其他角色都幾乎一雙一對,更有一幕大叔用手輕搭真島秀和飾演嘅武川主任,尾聲再有阿牧向春田索吻場面,眼利網民發現春田同阿牧家中枱上放着代表LGBT嘅六色彩虹行李帶,而最後一場就交代春田首次主動錫錫阿牧,場面十分溫馨。

娛聞樂陪你走遍全球追星,即Like「娛果」FB 專頁!
BannerBanner