無綫耕耘見盡人間醜陋

更新時間 (HKT): 2018.06.04 05:20

吳博君在無綫默默耕耘十九年,曾學洪拳、少林拳的他拍過《上海灘》、《獵鷹》、《刑事偵緝檔案II》等多部劇集,博君說:「嗰時又識打又識做戲嘅人唔多,拍《魔域桃源》有場戲我喺二樓跳落嚟,唔係人人肯做。」雖然博君賣命演出,可惜於97年金融風暴被無綫裁走,他說:「之後做過整麵包、紙紮舖、出版社……完全同電視台脫離任何關係,同圈中人都冇聯絡。」

回顧在電視圈的日子,博君百般滋味在心頭:「數十年見盡人間醜陋!有啲人為咗達到某啲嘢,乜嘢手段都做得出,好似踩住人上,我覺得好唔舒服。」問到會否想再拍劇?博君坦言:「麻麻哋,一嚟年紀唔細,二嚟拍電視劇好辛苦,我又覺得唔值得,又唔係冇飯食。」

娛聞樂陪你走遍全球追星,即Like「娛果」FB 專頁!
BannerBanner