【林燕妮病逝】治療期間不願被探望 鄧達智:打扮唔完美佢唔會出嚟

更新時間 (HKT): 2018.06.05 20:14
由於林燕妮離世,William話今晚嘅心情係有啲古怪(攝影:羅慧敏)

設計師鄧達智(William)今日現身會展,為「理大時裝展2018」擔任評判,模特兒Lea T. 則擔任模特兒。由於林燕妮離世,William話今晚嘅心情係有啲古怪,佢話:「知道呢個消息係震驚嘅,雖然知道佢身體唔係特別好,佢係好正面嘅人,離開得好突然。」

William透露林燕妮喺醫院治療期間都唔想人探望,佢話:「佢連屋企電話都改晒,做朋友嘅都專重,治療期間係唔想見人,佢好注重儀容,最深刻係佢對儀容嘅要求,打扮唔完美佢唔會出嚟,最記得頒best dress獎畀佢,佢會因為狀態唔好唔出嚟。」

William續說:「佢對生命好熱愛,唔係大富之家,婚姻唔係嫁入豪門,但係佢嘅儀容超越好多有錢人。佢嘅哲學係人生好多嘢變幻莫測,改變唔到,唯獨係儀容能夠掌握到。」

問到林燕妮嘅身後事,William就話唔清楚,因為聯絡唔到佢家人,佢話:「只知道佢有個仔,喺大生日party會出現,但平時嘅party就好少出現。」William話半年前聚會時見過林燕妮,當時都唔知對方身體有事,仲話如果大家知道佢有事會加緊聯絡。

娛聞樂陪你走遍全球追星,即Like「娛果」FB 專頁!
BannerBanner