【自己冇得揀】香香角色被搶心淡離巢? 唐詩詠話一切都係公司安排

更新時間 (HKT): 2018.06.17 17:07

唐詩詠、陳展鵬等今日去到馬鞍山宣傳新劇。

有傳因為唐詩詠取代咗岑麗香演出新劇女主角,所以令到香香心淡離巢,今日香香以千字文告別大台(新聞連結: https://bit.ly/2HX491C ),但係就冇提過爭角色嘅傳聞。而唐詩詠今日出席活動時就澄清一切都係公司嘅安排,佢話﹕「係誤會,我冇權利去選擇,係公司安排,從來都唔知道係乜嘢劇。」詩詠話曾與香香合作拍旅遊節目,都想過合作拍劇,冇因為今次傳爭角而唔開心,笑言喺呢個是非圈工作,但唔係生活喺是非圈,十幾年嚟已練成金剛不壞之身。

而陳展鵬近日被租屋問題纏身(新聞連結: https://bit.ly/2LZ9sAe ),問到佢最新嘅情況,展鵬話自己已經好耐冇搵業主溝通,已經交咗畀律師同助手處理。

娛聞樂陪你走遍全球追星,即Like「娛果」FB 專頁!
BannerBanner