【韓流】連續六年善心爆棚 張根碩粉絲搞攝影展籌87萬

更新時間 (HKT): 2018.06.18 17:00
張根碩亦有即場捐出1千萬韓圜

韓國唔少明星都愛心爆棚,做善事不遺餘力。好似韓劇《原來是美男》男星張根碩咁,佢多年來頻頻做善事,日前佢嘅官方粉絲團就喺漢陽大學舉辦「2018張根碩生日紀念攝影展」,今年唔經唔覺已經第六屆,雖然年年都搞,但冇影響粉絲嘅善心,展覽搞咗兩日就籌得逾1億2千萬韓圜(約87萬港元)嘅善款。

展覽最主要係展出張根碩喺過去一年內出席各個活動時嘅照片,係粉絲為咗送畀張根碩而花心思炮製嘅禮物,而張根碩亦都支持到底,喺展覽第一日已經親自捧場,即時引來2千粉絲到場,張根碩更即時捐出1千萬韓圜(約7.25萬港元),又拎出寶貴禮物畀粉絲抽,最後粉絲仲為張根碩準備驚喜生日會,令佢大表感動。而今次籌得嘅款項全數將以張根碩嘅名義捐到各個慈善機構。

另外,近日韓國網上平台就進行調查,對於偶像明星因為擁有專門嘅粉絲團而令佢哋形象提升,當中逾6千投票中,男團Wanna One就以27.8%嘅得票率獲得冠軍,而第二就係朴海鎮、第三位則係BTS(防彈少年團)。

娛聞樂陪你走遍全球追星,即Like「娛果」FB 專頁!
BannerBanner