【奶奶教路】馬浚偉畀機會陳寶珠新抱 初踏台板演出舞台劇

更新時間 (HKT): 2018.07.02 15:20
馬仔大讚吳文珊表現淡定

馬浚偉孖胡定欣主演舞台劇《偶然·徐志摩》,兩人首次台劇演出已很有默契,馬仔除大讚定欣表現,佢都點名稱許舞台新秀、楊天經太太吳文珊,馬仔話:「珊珊雖然演出經驗唔足,但佢本身好多優點,佢舞台上姿態好靚,條件唔差。」相信除咗吳珊珊本人好努力外,佢又得到老公楊天經同奶奶陳寶珠指導,所以演出起嚟好淡定。

珊珊話有呢次機會,多得馬仔賞識,佢話:「馬仔由排練到演出都嚴肅認真,有錯就講,仲即時糾正我,佢演徐志摩嗰份感人肺腑,深情直接帶動我進入角色。」珊珊演上癮,佢話已報讀演藝課程,希望以後再有會演出,佢仲想同老公同奶奶一齊踏上舞台。

娛聞樂陪你走遍全球追星,即Like「娛果」FB 專頁!
BannerBanner