【《體育世界》播埋本周】無綫解散體育組 30人炒剩5人

更新時間 (HKT): 2018.07.05 22:09

日前「蘋果」率先報道TVBI大裁員之後,無綫亦會大裁員,其中余詠珊嘅非戲劇科亦要裁。之前有傳聞指余詠珊向下屬稱係李寶安要佢炒100人,今日再有消息傳出,余詠珊決定向佢管嘅體育組開刀,解散體育組約30人,全組本來有30人,只炒剩5人,撥入新聞組,而體育組主管就被提早退休,《體育世界》最後一集於今周播出後正式完成歷史任務,MyTV Super體育台亦只做到8月15日。

《蘋果》收到消息,無綫今日已通知員工,明天正式派信。

本報晚上向無綫行政總裁李寶安求證,他承認體育組解散:「無綫電視在2014年播放世界盃期間,面對嚴重盜播情况,而近期亦留意到盜版侵權活動有增無減。無綫電視將來購買和播放昂貴體育賽事會更加謹慎,並會在中短期間集中播放及報道港澳地區的體育康樂活動。體育科將併入新聞及資訊部,而製作部節目包裝小組的工作性質亦會調整,整合後會減少二十多名人手。」

問李寶安《體育世界》面臨停播,同埋MyTV Super體育台要cut,他稱:「We shall not run a streaming sport channel. Instead, we shall broadcast sport events on individual program basis. Also we shall focus more on HK and Macau sport events, like Macau Formula Racing, etc.」

鍾志光回覆本報時,對於體育組地震、《體育世界》亦要停播,他大感愕然:「吓?我唔知喎!我同韓毓霞冇做《體育世界》好多年啦!我近年集中拍劇多啲,同埋做奧運、世界盃或者龍舟呢啲大型項目。唉!聽到呢個消息好突然,有家庭負擔嘅同事真係大鑊!我都要同啲同事了解吓先。」

娛聞樂陪你走遍全球追星,即Like「娛果」FB 專頁!
BannerBanner