【周董陪宣傳】 孖狄維莊遜拍戲 昆凌拍打鬥戲訓練一個月

更新時間 (HKT): 2018.07.05 17:31

電影《高凶浩劫》(Skyscraper)於下周四(7月14日)喺香港上畫,於片中飾演恐怖份子嘅台灣天王嫂昆凌,今日就聯同荷李活動作影星「The Rock」狄維莊遜(Dwayne Johnson)、莉芙甘寶 (Neve Campbell)等人,齊齊來港出席記者會。

昆凌日前隨大隊到北京出席電影首映禮,老公周杰倫都有陪伴同行,還將夫妻二人和Dwayne Johnson放上網。據知,周杰倫今次亦有隨老婆來港,噚日落機後,周杰倫孖老婆去食意大利粉,亦有拍片放上ig story!

而昆淩今日喺記者會,全程以國語、英語雙語對答,但其實佢全程亦只需自我介紹,同埋簡單回答一條問題。當被問到首次拍荷李活片嘅感覺時,昆淩就話好開心。佢話:「好開心可以參與拍攝,好似學習咁,有一場戲同女主角喺好狹窄環境下打鬥,訓練咗一個月,想確保安全,好彩所有嘢都順利,同埋大家都好好人。」

娛聞樂陪你走遍全球追星,即Like「娛果」FB 專頁!
BannerBanner