【港姐首輪面試】中大護理畢業生Hera 舊愛狄易達:支持佢參選啊

更新時間 (HKT): 2018.07.06 22:44

【新增回應】

《香港小姐競選》首輪面試,唔少佳麗都好有質素,除咗有貌似後藤久美子嘅吳天兒,仲有一位喺中大讀護理,今年啱啱畢業嘅佳麗Hera Chan,應該都會輕鬆進入複試。

呢位叫Hera嘅女仔,喺ig自我介紹係叫陳曉華,今早受訪時話因為未搵到工,所以想試下參選,睇番佢ig,佢喺今個夏天,的確係有幾張畢業相,但更多嘅係佢做part time model嘅廣告硬照,張張都參滿陽光氣息。

《蘋果》向達仔求證,佢以短訊回覆:「其實我和她分開了一段時間,不過都很支持佢參選啊,希望佢加油啦!」問到點解分手?因為Hera要選港姐?達仔維護舊愛:「唔係啊,之後先知道佢選。」

問到分手原因?達仔坦言:「大概都是我太忙了,這段時間我都在籌備自己歌曲的工作,很少見面。」究竟幾時分手呢?達仔表示:「大概4月,唔係好耐。」係咪選港姐轉地下情呀?達仔否認:「no la,我之前都未知佢選。」達仔更叮囑:「我都驚自己影響到人!」

娛聞樂陪你走遍全球追星,即Like「娛果」FB 專頁!
BannerBanner