【多仔公唔見影】阿大阿二幫手推行李 蔣麗莎顧住舉V自拍

更新時間 (HKT): 2018.07.08 12:04

陳浩民係多仔公,33歲嘅老婆蔣麗莎(Lisa)五年生四個,大女兒陳雅薷(Elizabeth)已經6歲,排住隊仲有4歲囝囝陳璟逸(Cyrus)3歲囡囡陳若嫣(Isabella)同2歲囡囡陳熙妏(Victoria),真係一個大家庭。

生咁多個,陳浩民當然要努力啲搵奶粉錢,而照顧4位小朋友嘅任務就包晒喺Lisa身上,平時都見Lisa陪住仔女游水、畫畫,噚日佢仲有一個超高難度任務......就係一拖四帶小朋友去旅行,真係唔簡單。見Lisa喺微博貼咗合照相,見手推車上有三個大行李箱,最細妹妹坐喺埋喺車上面,阿大同阿二就負責推車,Lisa就負責影相,佢老懷安慰咁話﹕「真是個大家族啊!現在出門愈來愈輕鬆啦!」

雖然有小朋友幫忙係好事,但畀小朋友坐上行李車就似乎有啲危險,希望Lisa自拍完之後,就拖番實小朋友,千祈唔好走失呀!

娛聞樂陪你走遍全球追星,即Like「娛果」FB 專頁!
BannerBanner