【新相.率先睇】楊思琦寫真噴血三點式 大髀白到反光

更新時間 (HKT): 2018.07.16 17:00

港姐楊思琦以40歲之齡出首本處女寫真《Miss Szeki 2018》,睇過之前率先透露嘅寫真相,好多人都讚佢吸睛度絕不比o靚模輸蝕,34D噴血身材,甚至反壓一班後生女。

思琦之前接受《蘋果》訪問時話,一直都有呢個諗法,但身在TVB好難成事,反而呢個時間有出版社搵佢就一拍即合。佢又透露寫真集入面有20套靚衫,包括小背心、泳衣、睡衣等性感造型,之前白色個套就咁啱同沙律撞衫。

新一輯相,思琦換上一套螢光黃三點式泳衣瞓上沙灘椅曬太陽,又着住白恤衫落水玩透視,為咗追求拍攝效果,思琦喺泳池揈秀髮,又應攝影師要求手掌撳住池邊碎石不停重複上水,擦損咗手掌。本寫真喺後日書展有得買,思琦到時同一班後生女比拼銷量,佢亦都會喺書展開幕當日下午4點,喺書展出席見面會。至於思琦嘅另一位競敵松岡李那,就會比佢早兩個鐘,舉行見面會。

娛聞樂陪你走遍全球追星,即Like「娛果」FB 專頁!
BannerBanner