【印一萬本】39歲出處女寫真 楊思琦:以前喺無綫冇機會

更新時間 (HKT): 2018.07.18 17:00

楊思琦今日去書展宣傳其首本寫真集《Miss Szeki 2018》,佢着住露肩長裙現身,一到場就表現開心,一直向人講多謝,又問有冇睇過佢本書,獲近百fans到場支持。

楊思琦受訪時話:「多謝各界朋友嘅支持,好似收到啲中學同學、舊朋友呀咁,問可唔可以送一本簽名嘅俾佢,或者有寫埋佢個名嘅簽名寫真,我好開心!」

問到佢今次俾自己幾多分?楊思琦話:「都好高分㗎!因為係我第一次出寫真,90分囉!如果可以再多啲時間準備就更加好。」爭嗰10分爭啲咩?楊思琦話:「爭嗰10分應該係自己囉,想多啲時間先,唔想咁急嘅行程,就應該會影得更加好,不過o依家影咗咁多相已經好好,有一啲相阿女都有睇過,佢就話『媽咪好靚,我哋一齊selfie啦!』阿女唔知道有攝影師幫我影,因為我哋平日都成日selfie。」

至於下個月就踏入4字頭嘅楊思琦,喺呢個年紀先嚟出書,怕唔怕輸俾啲年輕女仔?楊思琦指:「咁我又唔會咁樣比較囉,以前喺大台冇乜機會影到啲自己好想影嘅相,咁今次又可以做善事,個timing就最啱喇。」

楊思琦話暫時未知銷情係點:「如果賣晒就會再加印,我都希望可以快啲加印啦!」而書商方面話出咗10,000本,暫時未知銷量,但好大機會加印。

娛聞樂陪你走遍全球追星,即Like「娛果」FB 專頁!
BannerBanner