【夢見青春期襲港】36F京佳跳彈床 率隊友殺入黃埔開見面會

更新時間 (HKT): 2018.08.03 20:23

日本偶像組合「夢見青春期」成員京佳去年單飛進軍香港,今年佢帶同三位新入團隊友水無瀬有希、山口羽音、山下彩耶,接DaDa棒成為本地飲品嘅新任代言人。

今次京佳同三位隊友到泰國取景,以一身泳衣性感上陣,孖陳柏宇拍攝全新夏季廣告。呢輯廣告推出後大受歡迎,京佳和三位師妹都希望今年暑假,能夠把日本嘅熱情帶俾香港人,夢想成真後佢哋決定殺入本月16日嘅美食博覽會,並決定8月19日到嘉禾黃埔舉行粉絲見面會。

「夢見青春期」主將京佳自上年訪港宣傳寫真後得以人氣急升,佢自言好鍾意香港,非常高興可以再有機會來港。今次京佳因拍攝需要穿泳衣跳彈床,拍攝當天泰國高達35度,跳足逾百次彈床後,京佳依然充滿笑容,認真專業。

問到京佳今次拍攝有乜最辛苦?京佳表示:「最辛苦的不是泰國天氣很熱,也不是跳很多次彈床,最辛苦的是回來酒店後,發現床上有好多小昆蟲,沒有辦法休息,哈哈。」最後需要經理人出手減蟲,京佳先放下心頭大石。對於今次拍檔嘅陳柏宇,四位「青春期」少女都表示對方十分有魅力同埋友善,反問工作人員香港男生嘅笑容係唔係都咁吸引?

娛聞樂陪你走遍全球追星,即Like「娛果」FB 專頁!
BannerBanner