【三點式唔係咁易見】京佳密密實實見fans 唔介意大家留意佢身材

更新時間 (HKT): 2018.08.20 14:07
(攝影:仇志德)

日本女團「夢見青春期」四位女成員京佳、水無瀨有希、山下彩耶同埋山口羽音,噚晚去到黃埔一間戲院搞粉絲見面會,四個女仔都著得好密實,而訪問嘅時候,都係京佳講嘢為主,京佳話自己嚟過香港好多次,而其他成員就係第一次嚟,16歲嘅山下彩耶仲話第一次嚟好緊張,因為唔係好知道呢個地方係點,不過喺香港遇到嘅人都好好,所以係一個好開心嘅經歷。

問到佢哋期待啲fans會點,山口羽音就話見到香港嘅人著衫都好潮好有型,仲好注重髮型,問到會同fans做啲咩,佢哋就話會握手同埋送禮物,專登喺日本買咗啲毛巾同埋貼紙,仲話唔擔心fans太熱情。京佳嘅身材好突出,講到會唔會介意大家只係留意佢嘅身材,佢就話唔會,因為呢個係佢嘅特色,問到點解咁密實,佢就話因為唔會咁輕易著三點式。

娛聞樂陪你走遍全球追星,即Like「娛果」FB 專頁!
BannerBanner