【重提三上悠亞】手越祐也包旅遊巴睇波 載30女伴劈酒BBQ

更新時間 (HKT): 2018.09.09 10:15
手越祐也上年流出床照,但仍未受事務所處分。

日本組合SKE48成員鬼頭桃菜,曾因為被拍下激咀尊尼組合NEWS成員手越祐也,繼而斷送偶像事業,點知改名三上悠亞加入AV界後卻因禍得福,搖身變成紅遍亞洲嘅性感女神。

雖然30歲嘅手越祐也多次闖禍及鬧出桃色新聞,但其生命力卻十足「小強」,上年6月被雜誌《週刊文春》公開床照,今年更流出一段短片,發現手越在六本木私竇唱K時,教唆同枱兩名當時只得17及19歲嘅未成年少女飲酒,仲唱衰同門師兄嵐,但係咁都未受事務所處分。

《週刊文春》近日再度發功,在昨晚播出嘅網上節目上再搵嚟少女爆料,得知手越早前以睇波為理由,同大約30名女伴睇完足球賽事就包旅遊巴前往奥多摩BBQ及飲酒,令手越再次是非纏身。據一名19歲女生近日受訪透露,直指當日包車上都有不少未夠秤少女,有人仲自豪地聲稱與手越發展出親密關係,爆料者指BBQ期間有酒供應,仲數臭手越嘅行為,而公開錄音聽到,手越在旅遊巴之旅上提到自己緋聞,當有人問係邊個時,手越好風騷咁答:「吓?鬼頭桃菜(即三上悠亞)?收聲!!」好明顯撞板多次仍毫無悔意。

娛聞樂陪你走遍全球追星,即Like「娛果」FB 專頁!
BannerBanner