【韓流】B.A.P爆性醜聞 28歲力燦涉度假屋性騷擾同行女性

更新時間 (HKT): 2018.09.09 15:50
B.A.P嘅力燦被爆涉嫌性騷擾一名20多歲女性

據韓媒報道,B.A.P成員A某,涉嫌上月初於南楊州市某度假屋性騷擾一名同行嘅20多歲女性。據知A某跟兩名男友人,上月初跟三名女性一齊去度假屋玩,期間A某涉嫌性騷擾其中一名女性。

A某受查時否認性騷擾,而當時度假屋除A某外,冇其他B.A.P成員。警方表示:「目前雙方各執一詞,好難透露詳情。」另外,據知A某跟該女性正進行協議。隨後,有指警方將於明日向檢察院建議起訴A某。

今日下午,B.A.P所屬事務所終於作出官方回應,透露涉案成員係28歲嘅力燦,表示:「B.A.P成員力燦因為熟人嘅邀請,於跟熟人聚會嘅場合中發生誤會,並接受咗警方嘅調查。有報道指警方已向檢方移交起訴意見,但目前嘅情況係,雙方嘅立場有好多唔一致嘅地方,因此仲需要進行調查。今後會誠實地配合調查,事件結束後會再次發表立場。目前仍在進行調查,希望大家克制推測性嘅報道。令大家擔心,非常抱歉。」至於原定12日首播嘅新綜藝節目,事務所表示:「目前未有變更播出嘅計畫。」

娛聞樂陪你走遍全球追星,即Like「娛果」FB 專頁!
BannerBanner