【馮仁昭四圍超】入紙娶單文柔報同一個地址
陳展鵬聞婚前同居「乜年代呀?」

更新時間 (HKT): 2018.09.27 05:20

由陳惠敏擔任總監製嘅星輝娛樂國際集團有限公司,噚晚喺紅磡舉行晚宴。近排頻頻同未婚妻行孖咇搵銀嘅陳展鵬,噚晚就單拖現身,提到噚日佢同單文柔嘅「擬結婚通知書」,兩個人報稱同居,展鵬就話:「我冇留意呢單新聞喎,不過只係一個地址箒,只不過係用嚟登記。」

有好多細節未搞掂

問展鵬有冇計劃婚前同居,佢笑笑口話:「𠵱家乜嘢年代呀?」之後佢就話:「呢個係幾好嘅題材,將來可以攞嚟拍,我哋𠵱家好舒服、好自然,大家唔好聯想太多嘢。」講到會唔會搬番去同媽咪住?佢就話:「呢個太私隱,唔講喇,我哋仲有好多嘢要搞,等細節安排好再同大家講。」本來佢之前話過低調進行,點知佢口快快話:「我哋啲請帖已經派得七七八八,遲啲會公佈日子,總之會係喺10月中。」

韋家雄結婚嗌緊張

娛聞樂陪你走遍全球追星,即Like「娛果」FB 專頁!
BannerBanner