【角色要有霸氣】拍《狂舞派3》要曬黑兼增肥 奶茶同劉小華多對手戲

更新時間 (HKT): 2018.10.01 15:51
(攝影:張俊銘)

歌手劉敬雯(奶茶)人今日去到商台宣傳新歌《D.A.N.C.E》, 奶茶今次錄新歌MV用咗好多人情牌,除咗好多好朋友嚟幫手,連導演黃修平都有份出鏡客串一角,奶茶話:「個MV拍咗24個鐘,自己跳咗20個鐘頭舞,拍攝上非常努力,雖然自己發現好多瑕疵,但尚算滿意。」

奶茶嘅名字來自《狂舞派》角色,《狂舞派3》於兩星期後開拍,奶茶話:「o依家忙緊排舞排戲,導演要求我曬黑同增肥,因為在戲中演一個霸氣角色,自己都努力曬燈,增加體重之如,盡可能增加肌肉,導演唔想我太瘦,自己食番正常就ok,當然自己好怕肥,所以要做多啲運動,希望練出六舊腹肌。」

奶茶指戲中有6位主線角色,佢喺其中一個,今次除咗跳舞,仲有好多文戲,同時要兼顧戲中歌曲製作及排舞,奶茶話:「自12年拍完《狂舞派》,相隔6年再同一班演員合作好感動,今次會同劉小華同Babyjohn有好多對手戲,自己飾演一個排舞老師。」

精選娛聞,喺晒《娛果》 http://fb.com/appledailyent

娛聞樂陪你走遍全球追星,即Like「娛果」FB 專頁!
BannerBanner