【真實無間道?】保育大使劉德華 大力支持東大嶼都會填海計劃

更新時間 (HKT): 2018.10.03 17:25

身為保育大使的劉德華,昨日竟化身「政府代言人」,替團結香港基金錄旁白力sell填海造地方案。

此填海造地方案,由特首董建華牽頭成立嘅團結香港基金發起,更提倡將東大嶼都會填海面積由政府建議嘅1,000公頃擴大到2,200公頃,特首林鄭月娥早前更出口術、表明填海是無可避免。

多個團體,包括350香港、綠嶺行動、環保觸覺及香港海豚保育學會,均對東大嶼都會及其他近岸填海工程有保留,其中環保觸覺等計劃發起網上聯署,呼籲市民反對計劃,咁一班保育大使有冇反對呢個計劃呢?

劉德華係香港海洋公園保育基金嘅保育大使,大力支持「#無飲管運動」,呼籲大家為海洋保育出一分力。2007年,他更推出一張名為《一隻牛的異想世界》專輯,專輯製作重心,環繞愛情、環保、全球暖化、人生態度等議題。

劉德華曾經多次出席海洋公園保育活動,在擔任保育大使第十年之時,更呼籲加強保護鯨豚的教育:「畀多啲人接觸到、了解到佢哋已經係瀕臨絕種嘅動物」;2004年,宣傳「豚聚一刻」籌款活動,親吻海豚嘅劉德華被問到對屠殺鯨豚食用有何看法之時,他稱:「食鯨魚、海豚肉嘅人要檢討吓,唔係人哋介紹就要試,而捉鯨魚嘅人就要槍斃,自然生態有乜事,我哋都會有問題㗎!」就咁睇,劉德華真係一個好愛護地球、好環保、重視保育的人。

一個咁著重環保嘅保育大使,竟然會支持填海造地方案,就如環保人士李樂詩亦拍片支持填海計劃;而且劉德華在政治議題上,鮮有表態,今次突然為「團結香港基金」站台,係乜嘢驅使佢咁做?係愛定係責任?

不過可以畀大家睇下團結香港基金會的理事名單,有新世界鄭家純、信和黃志祥、瑞安羅康瑞、恆隆陳啟宗,信德何超瓊等等。

至於是否需要填海?歡迎到以下fb專頁: 東大嶼都會關注組 elm concern group( https://www.facebook.com/ELMConcernGroup/ )會找到不少有用資料。

娛聞樂陪你走遍全球追星,即Like「娛果」FB 專頁!
BannerBanner