【王維基再婚】前妻唐靄玲低調買磚頭保值 笑面迎人避談魔童緋聞

更新時間 (HKT): 2018.10.10 13:52

王維基離婚前,已有不少緋聞,先有女助手鄭蔚藍,後傳與「政壇Angelababy」袁莎妮拍拖。至於其妻Helen(唐靄玲),跟王維基結婚25年,有一仔一女。據知Helen早年是IT人,早年主理Domain Extremes Inc(DNME)旗下網站「香江食評」,讀書時是校內風頭躉,但鮮有與王維基一同出席公開場合,外間對其認識亦不多。唐靄玲在其母校德雅中學及浸會大學的校友會活動甚為活躍,曾擔任德雅校友會主席。曾有周刊報道指,唐靄玲為人思想傳統且低調,任校董期間,從未向外提過半句王維基的緋聞,總是笑臉迎人撐住,故大家也不敢多問。

王維基曾言,當初由加拿大返港創辦城市電訊,多得太太陪他加港兩邊飛,深深體會成功男人背後有個女人支持的重要,但王維基婚後仍緋聞多多,包括私人助理Hazel,同紅顏知己、現在是準王太袁莎妮左右相伴。

2016年5月,王維基現身商台《在晴朗的一天出發》接受陳志雲節目訪問,再談參選立法會議員意願時,被主持談到其私人生活「好多女朋友」,王當時說:「我承認我有朋友,我要處理我屋企的事,已處理咗。」當時陳志雲聞言亦感愕然,加以追問,王維基即說:「自己已恰當地處理婚姻狀態。」至於是否單身,他稱:「正在處理屋企私人嘅事。」又表示擬參選無同太太講。(新聞連結:  https://bit.ly/2OgCtN9 )

婚姻失意,唐靄玲靠買磚頭保值,個人擁有千萬物業,包括西半山輝煌豪園及馬鞍山聽濤雅苑單位。在她與王維基「恰當地處理婚姻狀態」之前,早於97年以公司名義買入馬己仙峽道三千多萬嘉樂苑單位,後改為聯名持有,該單位市值已升至過億。

王維基在商台交代完婚姻狀態後,一次受訪,再被問及圍繞他的緋聞,他歎了口氣說:「好似《選戰》,有句對白好鬼抵死,從政嘅人,好似一個妓女,好慘,要俾所有人睇清楚晒所有嘢。」

娛聞樂陪你走遍全球追星,即Like「娛果」FB 專頁!
BannerBanner