【娶48歲袁莎妮】暗交六年 王維基唔認拍拖 翁靜晶爆女友身份

更新時間 (HKT): 2018.10.10 13:32

56歲王維基前日入紙登記同48歲袁莎妮結婚,其實兩人早喺2012年已交往。同年4月,王維基宣佈將其一手湊大的城市電訊賣盤當日晚上,本報就發現王穿着白恤衫牛仔褲襯深色外套、一身輕鬆打扮地、駕駛其黑色平治房車現身銅鑼灣大坑食日本料理,在此大日子與王維基共晉晚餐,且讓男方留在自己位於北角寓所、徹夜未離嘅,就係袁莎妮。事後王維基只發言人回覆,指袁只係「一個識咗好耐嘅朋友」。

而到咗2016年1月,王維基又被發現同袁莎妮去大坑小甜谷食糖水,而食完糖水後,佢倆喺花店門外睇咗陣後,就乘泊在附近的黑色座駕離開。而到同年5月,王維基宣佈出戰立法會選舉後,接受訪問時,非常罕有地自爆婚姻狀態有變,指自己與結婚二十多年的太太唐靄玲離婚,而佢嘅目的係因為唔想自己嘅私生活成為「黑材料」。

兩人關係撲朔迷離,直至舊年4月,翁靜晶參加張曾俊華生日Party,其後喺facebook上載一張自己同袁莎妮及唐英年太太郭妤淺合照時,當有網民問袁莎妮身份時,翁靜晶留言:「王維基的女朋友Shirley。」而呢段關係,先至正式曝光。

娛聞樂陪你走遍全球追星,即Like「娛果」FB 專頁!
BannerBanner