【有冇問老師點解】女同學請食蕉 胡鴻鈞唔領情

更新時間 (HKT): 2018.10.11 19:23
攝影:盧妹

胡鴻鈞、譚杏藍、王梓軒同陳偉成等今日喺銅鑼灣出席校花校草選舉活動,胡鴻鈞話自己冇資格做校草:「嗰時身邊好多同學靚仔過我,我自己完全無諗過,我呢啲small potato。」佢仲自嘲係「呃飯食」,依家做到歌手都係一個「傳奇」。

咁有無女同學等過你放學?胡鴻鈞笑謂:「呢啲咁台劇式嘅情節無發生過喺我身上,我都無等人放學嘅習慣,日日放學就係補習、打波、返屋企。」不過佢就收過隔籬班女同學送嘅香蕉同蛋糕,可惜當時胡鴻鈞有女朋友,所以無發展到:「我叫佢唔使再送,佢之後都無理我啦。」

譚杏藍話啱啱出咗新歌《誰叫荷里玉》,講做女人應該敢愛敢恨:「12月我仲會喺九展開第1個音樂會,到時同步會出EP。」佢自爆最新壓力大又唔夠瞓,搞到突然出濕疹:「我1日之內又中醫又西醫又刮痧又針灸,再換哂啲沖涼液、洗頭水,連牙膏都換埋,第2日真係無事。」問到12月嘅音樂會,男友(ToNick主音恆仔)會唔會上台演出?佢就好體貼話唔想男友辛苦,希望佢仲觀眾睇住自己表演:「男友都有畀意見,我想佢睇完畀意見我仲好。」

娛聞樂陪你走遍全球追星,即Like「娛果」FB 專頁!
BannerBanner