【翔揸劉灘】兄弟班搞棟篤笑 開Show前大玩熱身遊戲

更新時間 (HKT): 2018.10.24 00:00

見到彭浩翔、鄒凱光、劉翁呢三位聚埋一齊,你可能會諗係咪有新戲,實情係佢地三個嚟緊要搞棟篤笑,個show仲有個好盞鬼嘅名,叫做《翔揸劉灘之潮潮的吹》。

彭浩翔解釋之所以叫「潮潮的吹」係因為佢地會談及一啲好潮流嘅嘢,連風水都玩埋一份「我地同一般電影老闆一樣,所有嘢都要搵師傅睇,咁我地欠水,咁所以我地就要潮潮的吹啦。」

三人之中只有鄒凱光有棟篤笑經驗,被問到佢有無一招半式傳授二人,佢就話「唔好比咩特別意見,因為自己當年第一次做嘅時候,聽到好多人比意見,你反而覺得自己做唔到架啦」,表示熱身時都盡量給予大家空間,會先讚好並鼓勵,再慢慢修正。如此有心機,難怪劉翁都大讚這個方法確實令大家不斷進步,「始終有一個真係做過嘅人帶住行,個心安好多啊。」

由94年開始評論棟篤笑嘅彭浩翔,今次終於落手落腳做,佢話寫個陣其實好大壓力,「你實際寫左份稿,有起承轉合係入面,如何將啲笑位盡量濃縮,其實都唔容易架。」講到今次棟篤笑能夠順利舉行,彭浩翔話全靠鄒凱光推動,灘叔即笑指「最好嘅方法就係不如我同你攬炒一齊做」

《翔揸劉灘之潮潮的吹》將於 10 月 25 至 26日一連兩晚假灣仔香港演藝學院香港賽馬會演藝劇院舉行,我地特登準備咗小遊戲同佢地熱下身,佢地亦相當配合,劉翁仲玩到將絲襪戴上頭,想知玩咩玩到咁開心?立即睇片啦。

場地提供:La Serre

娛聞樂陪你走遍全球追星,即Like「娛果」FB 專頁!
BannerBanner