【韓流】宋一國三胞胎驚喜現身《超人回來了》五周年特輯

更新時間 (HKT): 2018.11.02 16:15
三胞胎拍片賀《超人回來了》五周年

韓國育兒節目《超人回來了》於2013年開播後大受歡迎,捧紅唔少小朋友如「得意妹」秋小愛、「國民三胞胎」大韓、民國、萬歲、大發BB等。節目至今已經播咗5年,雖然唔少人氣高嘅小朋友已經退出節目,但新加入嘅混血BB威廉、娜恩同樣觀眾喜愛。

《超人回來了》上月28號起連續兩星期播出5周年特輯,節目元老李輝才嘅雙胞胎囝囝及小愛都有現身拍攝特輯,令唔少觀眾都好奇三胞胎嘅近況。有見及此,節目組噚日公開咗有三胞胎身影嘅新預告,令粉絲相當興奮。三胞胎着住西裝出鏡,戴住唔同顏色嘅煲呔,已經大個咗好多,隨後民國帶頭表示:「《超人回來了》已經五年喇。」點知立即畀哥哥大韓話:「咩五年啊?係五周年。」可愛互動令觀眾大呼懷念。

娛聞樂陪你走遍全球追星,即Like「娛果」FB 專頁!
BannerBanner