【晒賢妻感?】率隊友訪台谷新歌 三上悠亞煎餅再餵Fans食

更新時間 (HKT): 2018.11.05 19:27
(台灣《蘋果日報》)

日本AV界小天后三上悠亞與松田美子及櫻萌子組成嘅女子組合「HONEY POPCORN」,繼上月21日訪台舉行見面會後,噚日再度訪台,為中文版新單曲《Pretty Lie》拍攝MV同順便做宣傳。今日佢哋3個特登排出檔期,安排同班fans嚟個brunch dating,佢哋更加親手整鮮果pancake招待幸運fans。

佢哋3個分工合作,由三上悠亞負責煎餅皮,有姿勢有實際咁,而佢兩位隊友則負責搞麵粉糊和切水果,最後再唧埋cream、朱古力醬同蜂蜜之後,擺到靚靚咁嚟餵fans食,有fans話:「只要是悠亞餵的東西,我甚麼都吃。」

其中三上悠亞話自己平日難得做早餐,對於自己嘅廚藝,佢話:「今年情人節第一次挑戰做朱古力甜品,平常我雖然不常下廚,但很喜歡做漢堡扒。」松田美子則自爆自己唔係好識做料理,但冬天鍾意食火鍋,亦會同朋友一齊做火鍋料理。至於櫻萌子原來又係「無飯」女子,但佢希望將來可以為男友下廚,煮漢堡或咖哩飯。三上悠亞話佢媽咪係廚房高手,希望以後可以做到一枱美味嘅過年菜。

另外,講到佢哋首新中文歌《Pretty Lie》,3女苦練中文發音,三上悠亞話:「中文發音和英文一樣難,說話和唱歌感覺又不太一樣,因為我對自己的要求很高,我這次只給自己40分,因為還有很多進步空間。」佢哋仲透露下月喺東京搞聖誕party,將會扮成聖誕老人與fans狂歡。

娛聞樂陪你走遍全球追星,即Like「娛果」FB 專頁!
BannerBanner